Nacín e medrei entre unha casiña nunha aldea preto do pobo, e unha aldea illada pegada ao río na Ribeira Sacra do Miño, Chantada (Lugo), nunha familia moi humilde, honrada e currante viticultora e labrega. Coñecín o mundo conectada á natureza, animais nun espazo moi illado e bastante puro ata a chegada das lanchas contaminantes na pandemia, sen apenas coches, ningún ruído aparte do canto de paxaros e asubiar de campesin@s. Crucei o río Miño aos 10 anos a nado coa miña mellor amiga, dun pobo moi próximo, e miña nai e avó ensináronme a comunicar cos animais, o zoar do vento,as formas da choiva, e a natureza, creando e debuxándoo todo, descubrindo a terra, subindo ás árbores, escoitando música clásica, vendo cinema mudo, lendo contos...A pesar do desafío de medrar nun entorno machista non exento dunha persoa qeu exerceu violencia psicolóxica e física a veces, si fun privilexiada en ter o permiso sen límites nese aspecto grazas á miña nai e avós.

Seres de gran sensibilidade, son a fonte de enerxía de onde nace todo o que creo en infantil.

En contraste, medrei nunha zona súper conservadora e machista onde a rebeldía feminista, superarse e evolucionar é a única opción de vida feliz.

​

Sempre quixen ser pintora e ilustradora, a pesar do apoio da miña nai, víao un imposible como algo profesional, pola mentalidade da contorna. ​

​

Traballei desde os 16 pintando murais en locais comerciais, e desde os 19 a 25, ademáis disto e encargos feitos a man, en moitos sectores, dende limpeza, canguro, atención ao cliente e hostalería. Estudei un ano de cociña, fun a clases de pintura con Xavier Muíños Ínsua, e finalmente puiden estudar algo creativo: Deseño Gráfico Publicitario en EASD Pablo Picasso, Coruña. ​

Despois realicei un curso fermoso de artes aplicadas ao libro en Escola Massana, (Massana permanent) en Barcelona, onde abrín un mundo novo nunha experiencia multicultural, coñecendo o gravado en linóleo, encadernación artesanal, libro de artista e pop up, ademais de pintar algúns murais na cidade.

Dende 2011 traballo a tempo completo en ilustración e deseño. Comecei a ilustrar con Ronsel de Ideas para Sogama, Ecovidrio, RAG, e dende 2016 traballo como ilustradora autónoma freelance.

A miña labor profesional centrouse no ámbito da ilustración infantil e xuvenil, traballando habitualmente para editoriais de prestixio como Edelvives, Tambre, Anaya, Xerais, entre outras, e empresas de administración pública e privada, como SOGAMA, Ecovidrio, Real Academia dá Lingua Galega, Collaborate, Xunta de Galicia, entre moitos outros. ​ ​